Украина президенти Владимир Зеленский АҚШ етакчиси Доналд Трамп маълум қилган “мингга минг” формуласи бўйича Россия билан ҳарбий асирлар алмашинуви амалга ошиши кераклигини айтди.
"Асирлар алмашинуви тайёрланмоқда, у ўтказилиши шарт. Украинанинг мувофиқлаштирувчи штаби минг кишилик рўйхатни Россия томонига топширди. Алмашинув бўйича келишувда Вашингтон воситачилик қилди. Шунга кўра, АҚШ томони ушбу келишувлар ижросини таъминлашда фаол бўлишини кутиб қоламиз", — деди Зеленский.