Украина 11 та Wildberries логистика маркази ва омборларига ҳужум қилди

Украина Қуролли Кучлари июль ойида 11 та йирик Wildberries омборхонаси ва логистика марказларига ҳужум қилди.

Бу ҳақда Россия Ташқи ишлар вазирлигининг махсус топшириқлар бўйича элчиси Родион Мирошник маълум қилди.

"Фақат июль ойида Украина Қуролли Кучлари Wildberries тармоғининг 11 та йирик фуқаролик омборхонаси ва логистика марказларига атайлаб ҳужум қилди", дейилади ҳисоботда.

Ҳужумлар натижасида юз минглаб квадрат метр омборхона майдони, юзлаб жиҳозлар ва ўнлаб бинолар вайрон бўлди.