АҚШ президенти Доналд Трамп Москва ва Киевдан зудлик билан тўғридан-тўғри музокараларни бошлашни талаб қилиб, акс ҳолда Вашингтон тинчлик жараёнида иштирок этишдан бош тортиши билан таҳдид қилди. Бу ҳақда Трампнинг махсус вакили Стив Уиткофф 12 май куни чоп этилган Breitbart News нашрига берган интервюсида айтди.
“Президент ултиматум қўйди: агар тез орада тўғридан-тўғри музокаралар бошланмаса, Қўшма Штатлар ундан чиқишга мажбур бўлади”, - деди Уиткофф. Унинг сўзлари 15-май куни Туркияда Владимир Зеленский ва Владимир Путин ўртасида бўлиши мумкин бўлган учрашув бўйича муҳокамалар бошланишидан олдин янграган.
Уиткоффнинг фикрича, бундай учрашув "жуда мумкин".
Уиткоффнинг қайд этишича, музокараларнинг асосий мавзулари Россия томонидан босиб олинган бешта ҳудуднинг мақоми, Запорижжя атом электр стансияси устидан назорат, Украинанинг Днепр ва Қора денгизга чиқиши бўлади. У, шунингдек, “Путин имзосисиз ҳеч қандай келишув бўлиши мумкин эмаслигини” тан олди.
Манбаларга кўра, Америка режаси атом электр стансияси назоратини ҳар икки томонни электр энергияси билан таъминлаш кафолати билан АҚШга топширишни кўзда тутади. Шунингдек, Қримни Россия Федерациясининг амалда бир қисми сифатида тан олиш масаласи ҳам муҳокама қилинди, бу таклиф Киев ва унинг иттифоқчилари томонидан кескин рад этилди.
Россия С-300/400 макетлари билан дунё кўзини алдамоқда!
Украина Ўзбекистонга санкция жорий қилди. Учта компания ва бир фуқаро “қора рўйхат”да
Россия Украинани виждонсизларча ўққа тутмоқда
