УЕФА "Бешиктош"ни катта миқдорда жаримага тортди

Европа футбол ассоциациялари иттифоқи (УЕФА) Туркиянинг “Бешиктош” клубини жамоа харажатлари билан боғлиқ молиявий қоидаларни бузгани учун 900 минг евро жаримага тортди.

Türkiye газетасига хабар беришича, клуб ушбу қарор юзасидан суд жараёни давом этаётганини маълум қилди.

Қайд этилишича, “Бешиктош” футбол клубининг Жамоатчиликни Ахборот Платформасига (KAP) берган баёнотида УЕФА клубларни лицензиялаш ва молиявий барқарорлик регламенти доирасида ўтказилган аудит натижасида 2023/2024 йилги мавсумда жамоа таркибининг нархи белгиланган лимитдан ошиб кетгани аниқлангани таъкидланган.