Энергетика вазирлиги аномал совуқ шароитида аҳолининг муаммоларини ҳал қилиш борасида қилинаётган ишлар ҳақида маълумот берди.
Маълумотда Туркманистондан газ импорти тўхтатилгани ҳам тасдиқланди.
"Аномал совуқ туфайли 12 январда қўшни мамлакатнинг табиий газ қазиб чиқариш конларида юзага келган авариявий ҳолат табиий газ импортининг тўлиқ тўхташига ва боз устига электр энергияси импортининг 20 фоизга қисқаришига сабаб бўлди", дейилади маълумотда.
