Хитойдан Туркияга олиб кириладиган барча автомобиллар учун божхона тўловлари 7 июлдан бошлаб 40 фоизга оширилади.
Бу ҳақда Туркия президенти Тойиб Эрдўғон ҳукуматнинг Resmi Gazete нашрида чоп этилган фармойишида айтилади.
Бож бензин, дизель, гибрид ва электр транспорт воситаларига тегишли. Унинг минимал миқдори 7 минг долларни ташкил қилади.
Мутахассисларнинг фикрича, божхона тўловларининг ошиши Туркия расмийларининг импортни чеклаш ва жорий ҳисоб тақчиллигини камайтириш истаги билан боғлиқ. Ўтган йили Туркия Хитой электромобилларига бож тўловларини оширди.
Мамлакат ҳукумати май ойи охирида 75,5 фоизга етган инфляцияга қарши қаттиқ пул-кредит сиёсатини олиб бориш ва жорий ҳисоб тақчиллигини пасайтириш йўли билан курашиш чораларини кўрмоқда.