Daily Sabah нашрининг хабар беришича, ҳалокатдан сал аввалроқ генерал Муҳаммад Али ал-Ҳаддад учиб кетаётган Falcon 50 самолёти Анқара яқинидаги Ҳаймана ҳудудида фавқулодда қўнишга рухсат сўраган. Самолётда Ал-Ҳаддаддан ташқари яна тўрт киши бўлган.
Маълумотларга кўра, генерал Ал-Ҳаддад Анқарадан Триполига учиб кетаётган эди. У Анқарада Туркия мудофаа вазири Яшар Гюлер билан учрашув ўтказган, шунингдек, Туркия Бош штаби бошлиғи генерал Селчук Байрактар билан музокараларда иштирок этган.