Туркияда 10 га яқин ўзбекистонлик шубҳали пул ўтказмалари бўйича тергов қилинмоқда

Туркиянинг Айдин вилоятида банк карталари орқали амалга оширилган шубҳали пул ўтказмалари юзасидан 10 га яқин Ўзбекистон фуқаросига нисбатан тергов олиб борилмоқда. Айрим фуқаролар қамоқда ёки депортация марказида сақланмоқда, бошқалари эса мамлакатдан чиқиш чеклови билан озод қилинган. Ўзбекистоннинг Истанбулдаги Бош консулхонаси вазиятни кузатиб, фуқароларга консуллик-ҳуқуқий ёрдам кўрсатмоқда. Консулхона фуқароларни банк картаси ва ҳисоб рақамларини бегона шахсларга бермаслик, келиб чиқиши номаълум пулларни қабул қилмаслик ва ўтказмасликка чақирди.