АҚШ президенти Дональд Трампнинг махсус вакиллари Стив Уиткофф ва Жаред Кушнер Украина президенти Владимир Зеленскийга Россия музокараларга тайёр эканини маълум қилган. Бу ҳақда Зеленский Американинг Axios нашрига берган интервьюсида маълум қилди.
Зеленскийнинг сўзларига кўра, АҚШ маъмурияти яқинлашаётган қиш олдидан вазиятни юмшатиш ва Россия ҳамда Украина ўртасидаги кескинликни камайтиришга уринмоқда.
«Россия ҳақиқатан ҳам бу қиш бизни синдиришга ёрдам бериши мумкин, деб ҳисоблайди», — деди Зеленский Axios’га.
Унинг таъкидлашича, Дональд Трамп маъмурияти Россия президенти Владимир Путинга босим ўтказиб, деэскалацияга эришиши мумкин. Зеленскийнинг фикрича, Путин АҚШ президенти Дональд Трампни ғазаблантиришни истамайди.
Шу билан бирга, Россиянинг музокараларга тайёрлиги ҳақидаги баёнот ҳали тинчлик келишувига эришилганини англатмайди. Томонлар ўртасида ҳал қилиниши лозим бўлган қатор муҳим масалалар мавжуд. АҚШ эса дипломатик саъй-ҳаракатлар орқали томонларни музокара столига қайтаришга уринмоқда.
Шаҳноза Мирзиёева Мусулмон Юнусовнинг мурожаатига муносабат билдирди
Дунё харитаси 500 йил ичида илк бор янгиланди
💴 Адлия вазирлиги Ўзбекистондаги пенсия ва нафақалар миқдорини эслатди
