Туркия халқаро ҳамжамият ва барча масъул ҳукуматлардан Исроилга қарши янада самаралироқ тўхтатувчи чораларни кутмоқда.
Бу ҳақда Туркия вице-президенти Жевдет Йилмаз TRT Haber телеканали эфирида маълум қилган.
"Исроилнинг қилаётган иши нафақат Ғазо ва минтақа учун, балки инсоният ва дунё учун ҳам ўта хавфлидир”, - деди у.
Бундан ташқари, Йилмаз Исроилнинг хатти-ҳаракатлари жаҳон миқёсида адолат тамойилларини оёқ ости қилишини таъкидлади.
“Ва бу кундан-кунга адолат, халқаро институтлар ва қоидаларга бўлган ишончни сусайтирмоқда”, деди вице-президент.
