Туркия Суперлигаси. Шомуродов лига тўпурарига айланган баҳсда "Башакшеҳир" 101 дақиқадаги гол эвазига мағлуб бўлди (ВИДЕО)

Туркия чемпионати 13-туридан ўрин олган "Истанбул Башакшеҳир" - "Трабзонспор" учрашувида 4:3 ҳисобида меҳмонлар ғалаба қозонди.

10-дақиқадаёқ мезбонлар ҳимоячиси Фести Эбоселе қизил карточка олиб, майдонни тарк этди. 22-дақиқада Деви Зеьке пенальтидан гол уриб, "Башакшеҳир"ни ҳисобда олдинга олиб чиқди. 37-дақиқада Филипе Аугусто мувозанатни тикланган бўлса, 45-дақиқада ҳамюртимиз Элдор Шомуродов мезбонларнинг иккинчи голини урди.

76 ва 77-дақиқаларда Пол Онуачу (пенальтидан) ҳамда Эрнест Мучи голлари эвазига меҳмонлар ҳисобда олдинга ўтиб олишди.

Бергут Озгюр 90+1-дақиқада "Башакшеҳир"нинг 3-голини киритди. Ўйин дурангга қараб якунланаётган вақтда Эрнест Мучи (90+10)-дақиқада даҳшатли зарбаси билан дарвозани ишғол қилиб, "Трабзонспор"га ғалаба келтирди.

"Башакшеҳир" 13 очко билан 13-ўринда қолди. "Трабзонспор" 28 очко билан 3-поғонада.

Ушбу баҳсда гол киритган Шомуродов ва Онуачулар 9та тўп билан лига тўпурарларига айланиб олишди.

Туркия чемпионати. 13-тур
24 ноябрь, 22:00
Башакшеҳир - Трабзонспор - 3:4
Голлар: 22 - 1:0, Деви Зельке (пенальтидан), 37 - 1:1, Филипе Аугусто (Эскихеллан), 45 - 2:1, Элдор Шомуродов (Онур Булут), 76 - 2:2, Пол Онуачу (пенальтидан), 77 - 2:3, Эрнест Мучи (Арсений Батагов), 90+1 - 3:3, Бертюг Озгюр (Нуно да Кошта), 90+10 - 3:4, Эрнест Мучи (Арсений Батагов)
Қизил карточка: 10 - Фести Обеселе ("Башакшеҳир").