Туркия шимолида кучли шамоллар остида тўлқин баландлиги 3 метрга етди

Туркия шимолидаги Қора денгиз соҳилида бир неча кундан бери давом этаётган кучли шамол туфайли тўлқин баландлиги 3 метрга етди.

Турк ОАВлари хабар беришича, табиий офат Туркиянинг энг шимолий шаҳри бўлган Синоп соҳилларида давом этмоқда.

Бу ерда сўнгги бир неча кун ичида шамол тезлиги 37 км/соатга етди, бу эса баландлиги 3 метргача етадиган тўлқинларнинг пайдо бўлишига олиб келди.

Халқаро юк кемалари шаҳар жанубидаги ички бандаргоҳда ёмон об-ҳавони кутишга мажбур. Расмийлар келгуси бир неча кун давомида бўрон ҳақида огоҳлантириш эълон қилди ва фуқароларни эҳтиёт бўлишга чақирмоқда.