Туркия чемпионати. Файзуллаев ассист, Шомуродов гол урган ўйинда «Башакшеҳир» сафарда «Эюпспор»ни енгди (ВИДЕО))

Туркия чемпионати 21-турида "Истанбул Башакшеҳир" сафарда "Эюпспор"ни мағлуб этди - 2:1.

"Башакшеҳир" сафида дастлабки голни Деви Зельке киритди, унга ҳамюртимиз Аббосбек Файзуллаев голли узатма берди.

Яна бир ўзбекистонлик ҳужумчи Элдор Шомуродов 53-дақиқада Кристофер Оперининг узатмасидан фойдаланиб, жамоасининг иккинчи голини урди.

Умут Бозок 90+3-дақиқада мезбонларнинг ягона жавоб голини киритди.

"Башакшеҳир" 33 очко билан 6-ўринда. "Эюпспор" 18 очко билан 15-поғонада.

Туркия чемпионати. 21-тур
Эюпспор - Башакшеҳир - 1:2
Голлар: 14' 0:1 - Д. Зельке (А. Файзуллаев), 53', 0:2 - Э. Шомуродов (К. Опери), 90+3' 1:2 - У. Бозок (А. Торрес).