Қозоғистоннинг Туркистон вилоятидаги икки қаватли уйда содир бўлган ёнғин оқибатида 12 киши, жумладан 9 нафар бола ҳалок бўлди.
Ҳалок бўлганлар ҳақида вилоят Фавқулодда вазиятлар бошқармаси маълум қилди.
"Жетисой туманидаги Алғабас қишлоғидаги икки қаватли уйда ёнғин содир бўлгани ҳақида хабар келиб тушди. Ёнғинни ўрганиш ва ўчириш жараёнида ҳушсиз ҳолатда бўлган 3 нафар фуқаро уйдан эвакуация қилинди ва тез ёрдам бригадасига топширилди. Ичкаридан 12 киши, жумладан, 9 нафар бола жасадлари топилди", — дейилади хабарда.
Воқеа жойида фавқулодда хизматлар ишламоқда. Суриштирув ишлари бошланган, ёнғин сабаблари аниқланмоқда.
Қозоғистон президенти Қосим-Жомарт Тўқаев ёнғин оқибатида ҳалок бўлганлар муносабати билан ҳамдардлик билдирди, деб хабар берди Қозоғистон раҳбари матбуот хизмати. Ҳукумат ва Туркистон вилояти ҳокимлиги раҳбарига яқин оилаларга барча зарур ёрдам кўрсатиш, фожиа сабабларини ўрганиш бўйича топшириқ берилди, дея таъкидлади матбуот хизмати.
Зеленский "тарихий келишув"ни эълон қилди
Сибирдан Орол денгизига сув йўналтирилиши мумкин
«Бу жамоа билан йўлим тугади» - Исломбек Исмоилов Ўзбекистон U-17 терма жамоасидан кетганини эълон қилди
