Қозоғистон Республикасига амалга оширилган расмий ташриф доирасида Турк маданияти ва мероси Жамғармаси Президенти, Актоти Раимқулова хоним Миллий Академик кутубхонага ташриф буюрди ҳамда Жамғарма томонидан нашр этилган китоблар тўпламини кутубхонага совға қилди.
Ташриф давомида Жамғарма Президенти ва Миллий Академик кутубхона директори Кумис Сеитова хоним ўртасида учрашув бўлиб ўтди. Томонлар кутубхоналарнинг туркий дунёнинг умумий қадриятларини асраб-авайлаш ва уларни келажак авлодларга етказишдаги алоҳида ўрнини таъкидладилар.
Миллий Академик кутубхона директори Жамғарма томонидан тақдим этилган китоблар илмий жамоатчилик ва китобхонлар учун қимматли маънавий ва интеллектуал бойлик эканини алоҳида қайд этди.
Учрашув якунида томонлар ўзаро манфаатли ҳамкорликни ривожлантириш йўлида биргаликдаги саъй-ҳаракатларни давом эттириш ниятида эканликларини билдирдилар.
Галибаф: “Эроннинг жавоби шунчалик даҳшатли бўладики, улар ёлвориб узр сўрашади”
Эрон олий раҳбари телевидение орқали мурожаат қилади
Эрон нега араб давлатларига зарба бермоқда?
