Турк Ҳаво Йўллари кеча тунда Москва аеропортларида киритилган чекловлар туфайли Россия пойтахтига парвозларни бекор қилмоқда.
Бу ҳақда Россия туристик операторлар уюшмаси (АТОР) маълум қилди, деб ёзади “ТАСС” .
"26-май куни Россиянинг марказий аеропортларида тунги вақтда самолётларнинг қўниши ва жўнашига яна чекловлар киритилди. Бу Домодедово, Внуково ва Жуковский аеропортлари жадвалининг ўзгаришига олиб келди. Рейсларнинг 60 фоизга яқини жадвалга мувофиқ амалга оширилмаяпти ёки бекор қилинди. Турк ҳаво йўллари рейсларининг мунтазамлиги ҳам бузилди", - дейилади хабарда.
Қайд этилишича, туроператорлар вазиятни ўрганмоқда ва янги парвоз вақтлари ҳақида маълумот кутишни тавсия қилмоқда.
