Мутахассисларнинг сўзларига кўра, ортопедик нуқсонлар ичида энг кўп учрайдиганларидан бири бу, туғма маймоқликдир.
Маймоқоёқлик суяк-мушак тизимида кенг тарқалган туғма нуқсонлар қаторига киради. Тахминан 1000 та туғилган чақалоқнинг камида бир нафарида ушбу касаллик юзага келиши мумкин.
XXI аср тиббиёти эса бу касалликни қисқа муддатда даволаш имконига эга. Жумладан, АҚШда бу нуқсонни даволашнинг понсети усули кашф қилинган. Иложи борича даволаш чақалоқ хаётининг биринчи ёки иккинчи ҳафталаридан бошланиши зарур. Чунки айнан шу пайтда чақалоқларда мушак ва пайлар юқори эластик хусусиятга эга бўлади.
Понсети усулига тўла риоя қилинган ҳолда даволанган беморлар, келажакда соғлом оёқларга эга бўлади.
Кам ҳолларда даво олиб борилган оёқ соғлом оёқдан бирозгина фарқ қилиши мумкин. Бу оёқ ҳажми, болдир мушак массасининг камайиши билан ажралиб туриши мумкин. Шунингдек, бу касалликнинг оғирлик даражасига ҳам боғлик. Айрим ҳолларда оёқлар узунлигида хам фарқ сезилиши мумкин. Бундай кичик нуқсонлар одамлар эътиборини тортмайди ва сезиларсиз бўлади. Боланинг ўзи ҳам то балоғат ёшига етмагунча бу фарқларни сезмайди. Муҳими, касалликни вақтида даволаш лозим.
