Трампнинг Хитойга қарши савдо уруши барбод бўлиши мумкин

АҚШ президенти Дональд Трамп Хитойга қарши эълон қилган савдо уруши барбод бўлиши мумкин. Бу ҳақда Британиянинг Financial Times газетаси ёзмоқда.

Нашр муаллифининг фикрича, Трампнинг режалари барбод бўлишининг бир қанча сабаблари бор.

"Кўпчилик давлатлар Трамп маслаҳатчилари таклиф қилаётган турли иқтисодий далиллар шунчаки кўргазма эканлигини тушунишади", — дейилади мақолада.

Газетанинг таъкидлашича, Америка раҳбарининг келажакдаги мағлубиятининг иккинчи сабаби Қўшма Штатлар ташқи сиёсатининг давлат қарзи бозорига боғлиқлигидир. Шунингдек, мақола муаллифлари Пекинда узоқ муддатли иқтисодий қарама-қаршилик учун ресурслар мавжудлигини қўшимча қилган.

Аввалроқ The Washington Post газетаси АҚШ ва Хитой савдо урушида бир-бирларига ён беришни истамасликлари сабабли иқтисодий таназзулга юз тутаётганини маълум қилганди.