Трампнинг интернет-дўконида Тrump 2028 ёзувли кепка ва футболкалар сотувга чиқарилди

Дональд Трампнинг интернет-дўконида Тrump 2028 ёзувли кепка ва футболкалар сотувга чиқарилди. Бу ҳақда The Guardian нашри хабар берди.

Бу Трампга АҚШ Конституцияси бўйича иштирок этиш тақиқланган бўлажак президентлик сайловларига ишора қилади.

Маҳсулот тавсифида "Қўшма Штатларда ишлаб чиқарилган ушбу Тrump 2028 кепкаси орқали ўз фикрингизни билдиринг" дейилган.

Эслатиб ўтамиз, март ойи охирида Трамп учинчи муддатга номзодини қўйиши мумкинлигини маълум қилганди.

Маълумот учун, АҚШ Конституциясининг 22-тузатиши бир кишининг икки мартадан ортиқ президент этиб сайланишини тақиқлайди. Бироқ, амалдаги президент истеъфога чиқса ёки вафот этса, унинг ўрнини эгаллаш орқали президент бўлишга конституцияда тўғридан-тўғри тақиқ йўқ.