Шанба куни Дональд Трампга қарши иккита тергов - унинг 2020-йилги сайловлардаги мағлубиятини бекор қилишга уриниши ва махфий ҳужжатлар билан ишлагани бўйича тергов олиб борган АҚШ махсус прокурори Жек Смитнинг истеъфога чиқиши маълум бўлди.
Иккала ҳолат ҳам Трампга нисбатан жиноий иш қўзғатилишига сабаб бўлди, у ўз айбини тан олмади ва ўз таъқиби сиёсий сабабларга кўра эканини айтди.
Иккала иш ҳам ўтган йили Трамп президентлик сайловларида ғалаба қозонганидан сўнг бекор қилинган эди. АҚШ Адлия вазирлиги қоидалари амалдаги президентни жиноий жавобгарликка тортишни тақиқлайди.
Трамп Смитни лавозимга киришиши биланоқ уни ишдан бўшатишга ваъда берди.
Шу ҳафта махфий ҳужжатлар ишига раислик қилган судя Эйлин Кэннон Смит ва Бош прокурор Меррик Гарландга иш бўйича ҳисобот эълон қилишни вақтинча тақиқлаб қўйди. Қонунга кўра, махсус прокурорлар ўз текширувлари натижаларини бош прокурор бошқарадиган Адлия вазирлигига тақдим этишлари шарт. Гарланд ҳозиргача қилган барча ҳисоботларини нашр этишга ваъда берди.
Трампнинг адвокатлари Гарланддан ҳисоботни ошкор қилмасликни сўради ва “адлия тизимини қуроллантиришни” тўхтатишга чақирди.
Россияда ўлганлар сони рекордми?
“Манчестер Сити” Абдуқодир Ҳусанов учун қанча пул тўлаши айтилди
Дания АҚШ тажовузи бўлса, Россияга мурожаат қилишни таклиф қилди
