«Трамп йўналиши»ни ишга тушириш бўйича техник гуруҳ тузилди

АҚШ, Арманистон ва Озарбайжон «Трамп йўналиши»ни ишга тушириш бўйича техник гуруҳ тузди.

АҚШ Давлат департаментининг маълум қилишича, уч давлат вакиллари транспорт ва энергетика лойиҳасининг тафсилотлари устида иш олиб боради. Йўналишларни чуқурроқ ишлаб чиқиш мақсадида иккита ихтисослашган кичик гуруҳ шакллантирилади.

Узунлиги 42 километрни ташкил этувчи ушбу йўналиш Озарбайжоннинг асосий қисмини Арманистон ҳудуди орқали Нахичеван билан боғлаб, Туркияга олиб чиқади. Лойиҳа автомобил ва темир йўллар қурилишини, шунингдек, энергетика инфратузилмасини яратишни ўз ичига олади.