Трамп яна Гренландия АҚШ таркибига кириши кераклигини айтди ва орол бўйича махсус вакилини тайинлади. Бу Дания ва Гренландиянинг норозилигига сабаб бўлди.
"АҚШ президенти Луизиана штати губернатори Жефф Лендрийни Гренландия бўйича махсус вакили этиб тайинлаганини эълон қилди. Лендрий Трампнинг оролни Қўшма Штатлар таркибига қўшиш ғоясини очиқчасига қўллаб-қувватлайди", дея хабар бермоқда нашр.
Президент Доналд Трамп АҚШ миллий хавфсизлиги учун Гренландия зарур эканини яна бир бор таъкидлади. Оқ уй раҳбари ушбу орол бўйича тайинлаган махсус вакили бу жараёнга бошчилик қилишини эълон қилди.
"Бизга Гренландия – минерал ресурслар учун эмас, миллий хавфсизлик учун керак. Агар Гренландияга қарасангиз, унинг бутун қирғоғи бўйлаб Россия ва Хитой кемаларини кўрасиз. Бизга у миллий хавфсизлигимизни таъминлашимиз учун зарур. Биз уни олишимиз керак", — дея таъкидлади Доналд Трамп.
Дания ва Гренландия етакчилари АҚШ Гренландияни эгаллаб олмаслигини қатъий таъкидлаб, ўз ҳудудий яхлитлигини ҳурмат қилишни талаб қилди.
"Биз яна АҚШ президентининг янги баёноти билан уйғондик. Бу катта гапдек туюлиши мумкин, аммо биз учун ҳеч нарсани ўзгартирмайди. Ўз келажагимизни ўзимиз белгилаймиз", — Гренландия бош вазири Йенс-Фредирик Нилсен.
Трамп иккинчи президентлик муддати бошида АҚШ юрисдикцияси Гренландияга татбиқ этилиши кераклигини бир неча бор айтган. АҚШ президенти минерал ресурсларга бой оролни назоратга олиш учун ҳарбий куч ишлатишни ҳам истисно қилмаганди.
Россиянинг “таслим бўлиш” таклифи ҳақида маълум қилинди
Россия дарҳол ҳарбий ҳаракатларни тўхтатишга тайёр,
Якутия дунёнинг энг совуқ минтақалари рейтингида пешқадам бўлди
