Тожикистон ҳукумати Москва вилоятидаги мактабда ўлдирилган 10 ёшли Қобилжон Алиевнинг онаси Нилуфар Сафоевага уй берди.
«Азия-Плюс»нинг ёзишича, Қобилжоннинг қариндошларидан бири Шерзод Ализоданинг сўзларига кўра, «уй мамлакат ҳукумати номидан берилган», аммо у айнан қайси давлат органи томонидан топширилганига аниқлик киритмаган.
Шу билан бирга, вазиятдан хабардор манба кеча эрталаб мамлакатнинг бир нечта юқори мартабали мулозимлари Қобилжон Алиевнинг оиласига ташриф буюриб, ҳамдардлик билдиришганини айтган, бироқ, амалдорларнинг шахсига аниқлик киритмаган.
«Биз ёрдам берган ва ёрдам беришни истаётган барчадан миннатдормиз. Шу билан бирга, жамоатчилик шуни билишини истаймизки: ҳозирда биз ёрдамга муҳтож эмасмиз, Қобилжоннинг онаси номига очилган банк ҳисоб рақами эса ёпилган. Шу муносабат билан, ҳеч қандай банк ҳисоб рақамларига пул ўтказмаслигингизни сўраймиз», – дейди Қобилжон Алиевнинг қариндошлари.
Эслатиб ўтамиз, Қобилжон Алиев 16 декабрь куни Москва вилоятидаги мактабда миллатчилик ғоялари ортидан ўлдирилган эди. Унинг жасади 18 декабрь куни Тожикистонга олиб келинди ва шу куннинг ўзида ватанида — Шаҳринав туманидаги Ажамий қишлоғида тупроққа қўйилди.
Нашрнинг ёзишича, бу Россияда тожик боласининг ирқий адоват ва миллатчилар томонидан қотиллик қурбони бўлиши билан боғлиқ биринчи ҳолат эмас. Сўнгги 22 йил ичида ОАВда Россияда тожик болаларининг камида олтита шафқатсизларча ўлдирилиши ҳақида хабар берилган.
Миграция соҳаси бўйича экспертнинг таъкидлашича, миллатчилар ва радикаллар томонидан содир этилаётган бундай ваҳшиёна қотилликлар Россияда мигрантларга нисбатан адоват муҳити шаклланиши ҳамда миллатчилик ва ксенофобия кўринишлари учун жазосизлик оқибатидир.
Россиянинг “таслим бўлиш” таклифи ҳақида маълум қилинди
Абдуқодир Ҳусанов «Реал»да ўйнашга яқин турибди
Россия дарҳол ҳарбий ҳаракатларни тўхтатишга тайёр,
