Трамп Хитойнинг АҚШда автомобиль заводларини қуришига қарши эмас

11 сентябрь куни АҚШ президенти Дональд Трамп Хитой компанияларига Қўшма Штатларда автомобиль заводларини қуришга рухсат беришга тайёрлигини эълон қилди. Бу қарор янги иш ўринларини яратади.

"Агар Хитой бу ерга келиб, ўз автомобилларини ишлаб чиқариш учун завод очмоқчи бўлса, мен бунга қарши бўлмасдим. Япония буни қилади. Лекин улар бизнинг одамларимизни ёллашмоқда. Асосийси, улар бизнинг одамларимизни ёллашмоқда", деди Трамп Fox News телеканалига берган интервьюсида.

У Мексикада автомобиллар минимал нархда ишлаб чиқариладиган ва кейин шунчаки Қўшма Штатларга импорт қилинадиган тизимни қатъиян рад этишини таъкидлади.

Пекин билан савдо-иқтисодий муносабатларнинг ҳозирги ҳолатига келсак, Америка раҳбари ижобий тенденцияларни қайд этди.

Аввалроқ, 9 сентябрь куни АҚШ расмийлари Ford компаниясидан Хитой билан ҳамкорликни тўхтатишни талаб қилган эди.