Трамп Вакиллар палатаси устидан назоратни сақлаб қолишга уринмоқда - Axios

АҚШ президенти Доналд Трамп жамоаси Республикачилар партиясининг Вакиллар палатасидаги таъсирини сақлаб қолиш ва ўзининг учинчи марта импичмент қилинишининг олдини олиш мақсадида фаол саҳна ортидаги кампанияни бошлади.

Масала шундаки, 2026 йилда бўлиб ўтадиган оралиқ сайловлар натижасида демократлар Вакиллар палатасида кўпчиликни қўлга киритиши мумкин.

Трампнинг иттифоқчилари демократлар назоратидаги Вакиллар палатаси президентга қарши тергов бошлаши ва унинг импичментига эришишга уриниши мумкин деб ҳисоблашмоқда. Трампнинг биринчи муддатида айнан шундай ҳолат юз берган эди.