Трамп ва Зеленский Ватиканда нимани муҳокама қилишди?

Ватиканда Рим папаси Францискнинг дафн маросимида Доналд Трамп ва Владимир Зеленский маросим четида норасмий тарзда учрашиб, Муқаддас Пётр соборида тахминан 15 дақиқа давом этган суҳбатни ўтказди. Ушбу учрашувнинг фотосуратлари бутун дунё бўйлаб тарқалди - энди ОАВ у ерда айтилганларнинг баъзи тафсилотларини билиб олди.

Американинг Аxios ахборот порталига кўра, Зеленский учрашувдан унумли фойдаланиб, Трампга тўғридан-тўғри айтди: Путин Трамп унга нисбатан босимни кучайтиргандагина ўрнидан қўзғайди. Хабар қилинишича, АҚШ президенти ўйчан жавоб қайтарган. Вашингтонга қайтаётганда у ўзининг Тruth Social платформасида шундай ёзган:

"Мени Путин бурнимдан етаклаяптими ва мен унга бошқача муносабатда бўлишим керакми?"

Хабар қилинишича, Зеленский, шунингдек, Трампнинг музокараларни бошлаш учун ҳеч қандай шарциз ўт очишни тўхтатиш ҳақидаги таклифига ҳам тўхталиб ўтган. Унинг эслатишича, унинг мамлакати бу таклифни қабул қилган, бироқ Россия буни рад этган. Манбаларнинг таъкидлашича, Трамп яна бир бор бу ғояни кўриб чиқишга тайёрлигини билдирди, гарчи Оқ уйдан ҳали ҳеч қандай расмий тасдиқ йўқ.

Қрим масаласи ҳам муҳокама қилинган, Зеленский Украина аннекция қилинган ярим оролнинг Россия ҳудуди сифатида тан олинишини қабул қилмаслигини тасдиқлагани хабар қилинган. Бунга Трамп гўёки буни талаб қилмаётгани ҳақида жавоб берган. Бунинг ўрнига, Трампнинг потенциал тинчлик келишуви Украина томонидан эмас, балки АҚШ томонидан Қримнинг Россия ҳудуди сифатида тан олинишини ўз ичига олади.

Хабарларга кўра, Трамп Зеленский билан АҚШ ва Украина ўртасида режалаштирилган хомашё келишуви ҳақида ҳам гаплашган. Хабар қилинишича, АҚШ президенти келишувни имкон қадар тезроқ имзолашни талаб қилган.