АҚШ президенти Дональд Трамп ва вице-президент Жей Ди Вэнс ўртасидаги ошкора келишмовчиликларга қарамай, Оқ уй саҳна ортида Эрон билан урушни тугатиш бўйича биргаликда иш олиб бормоқда. Ҳарбий ечимга қарши деб ҳисобланган Вэнс охирги икки ҳафта давомида Теҳрон билан ўтказилаётган билвосита музокараларда шахсан иштирок этмоқда.
Axios манбаларига кўра, вице-президент деярли ҳар куни Қатар бош вазири Муҳаммад бен Абдулраҳмон Ал Таний, Покистон армияси раҳбари Осим Мунир ва бошқа воситачилар билан мулоқот қилмоқда. Музокараларда Трампнинг махсус вакили Стив Уиткофф ва унинг куёви Жаред Кушнер ҳам қатнашмоқда.
Тахминан икки ҳафта олдин Вэнс Эрон Миллий хавфсизлик олий кенгаши котиби Моҳсен Ризоийга тўғридан-тўғри музокараларни қайта бошлашни таклиф қилиб хат юборган. Эрон расмийларига кўра, бу дипломатик ҳаракатларга янги импульс берган. Томонлар аллақачон вакилларнинг эҳтимолий учрашувини муҳокама қилишмоқда, бироқ у ҳали тўлиқ келишилгани йўқ.
Трамп, ўз навбатида, дипломатик ҳаракатлар учун вақт ажратди. Жума куни у АҚШнинг Эрон билан музокаралар олиб бораётганини тасдиқлади ва Қатар амири билан воситачилик масаласини шахсан муҳокама қилди. Шу билан бирга, АҚШ президенти ҳарбий босим ўтказиш вариантидан тўлиқ воз кечганича йўқ.
Ўзбекистонда кескин совуқ ва кучли ёғингарчилик кутилмоқда
Актриса Нилуфар Ҳамидова 7 суткага қамалди
"Майли мени ўлдиришсин. Лекин... "
