АҚШ президентининг айтишича, у келаси ҳафта телерадиокомпанияга қарши суд даъвосини киритиши мумкин. Бунга сабаб, BBC'нинг Panorama дастурида унинг нутқи таҳрирланган ҳолда эфирга узатилган.
"Менимча, шундай қилишим керак, чунки улар алдашганини тан олишди. Улар мен айтган сўзларни ўзгартириб юборишган", — деди АҚШ президенти.
2024 йил октябр ойида, АҚШ президентлик сайловларига бир ҳафта қолганда, BBC'да Panorama дастурининг янги сони эфирга узатилган эди. Унда 2021 йил 6 январдаги АҚШ Конгресси биносига (Капитолий) бостириб кириш ҳақида сўз борган. Видеода Трампнинг икки хил чиқишидан парчалар бирлаштириб таҳрирланган, бу эса у йиғилганларни тартибсизлик ва зўравонликка чақиргандек таассурот уйғотган.
Таҳрирланган нутқ билан боғлиқ можаро ортидан BBC бош директори Тим Дэйви ва BBC News янгиликлар бўлими раҳбари Дебора Тернесс истеъфога чиқди. Шу билан бирга, BBC Трампдан унинг нутқини монтаж қилгани учун узр сўради, бироқ компенсация тўлашдан бош тортди.
"Араблар Ҳабибни пулга кўмиб ташлашди..."
“Реал Мадрид” стадиони номи ўзгарди (фото)
Россиянинг Су-35 самолётлари Қозоғистон Президентини Москвагача кузатиб борди
