АҚШ Президенти Дональд Трамп Давлат раҳбари Қасим-Жомарт Тоқаевни Ғазо бўйича ташкил этиладиган Тинчлик кенгашига расмий таклиф қилиб, Қозоғистонга муассис давлатлардан бири бўлишни таклиф қилди. Бу ҳақда @sputnikKZ Қозоғистон президенти матбуот котибига таяниб, хабар қилмоқда.
Тоқаев таклифни қабул қилган.
Бундан аввал маълум бўлганидек, АҚШ Президенти Ғазо бўйича Тинчлик кенгашини ташкил қилади. Ушбу кенгашга муассис давлат сифатида қатнашиш учун бир қатор давлат раҳбарларига таклиф юборилган. Аргентина, Венгрия, Туркия, Покистон, Миср, Иордания, Қатар ва Италия бундай таклифни олганини тасдиқлаб, уни қабул қилганини эълон қилди.
Шунингдек, таклиф Франция, Германия ва БАА раҳбарларига ҳам юборилган. Бироқ, ҳозирча улар томонидан расмий тасдиқ бўлмаган.
Тинчлик кенгаши ташкил этилганини Трампнинг ўзи эълон қилди. Тузилма унинг Ғазо секторидаги можарони ҳал қилиш бўйича режасининг бир қисми бўлиши мўлжалланган.
Ҳатто ЙТҲдан кейин ҳам Адам Қодиров медал олиб келмоқда
Гренландия ташқи ишлар вазири йиғлаб юборди
Эрон Starlinkни блоклашга муваффақ бўлди
