АҚШ Эроннинг ҳарбий кемаларини қўлга олиш ўрнига йўқ қилмоқда

АҚШ Эроннинг ҳарбий кемаларини қўлга олиш ўрнига йўқ қилмоқда, чунки шундай қилиш қизиқроқ, деди Доналд Трамп.

Унинг сўзларига кўра, Эрон флотининг катта қисми йўқ қилинган ва 46 та кема океан тубида ётибди. Трамп бу ҳақда гапирар экан, ҳатто АҚШ ҳарбийларидан бироз норози бўлганини айтди.

Президентнинг айтишича, у ҳарбийлардан: “Бу қандай кема эди? У биринчи тоифали эдими? Нега уни шунчаки қўлга олмадик? Уни фойдаланишимиз мумкин эдику. Нима учун чўктирдик?”, деб сўраган. Ҳарбийлар эса уларга кемаларни чўктириш “қизиқроқ” эканини айтган. Шунингдек, бу усул хавфсизроқ экани таъкидланган.

Эслатиб ўтамиз, АҚШ президенти 9 март, душанба куни CBS News телеканалига телефон орқали берган интервюсида шундай деди: "Менимча, Эрондаги уруш аввал режалаштирилгандан ҳам тезроқ якунланиши мумкин. Уларда на флот бор, на алоқа, на ҳарбий-ҳаво кучлари бор".

Шунингдек,Трамп Эрон ракеталари деярли тўлиқ йўқ қилингани, дронлар ва уларни ишлаб чиқариш заводлари ишдан чиқарилганини таъкидлади.