Трамп: "Цзиньпин Украинадаги уруш тугашига ёрдам бермоқчи"

АҚШ президенти Дональд Трамп Хитой Россия-Украина урушини тугатиш тарафдори ва унга ёрдам беришга тайёрлигини билдирди.

Бу ҳақда Америка етакчиси Оқ уйда журналистлар саволларига жавоб бериш чоғида айтиб ўтди.

"Хитой раҳбари Си Цзиньпин Украина инқирозига ечим топилишини хоҳлайди. Ишонаманки, у Россия-Украина уруши тугатилишини хоҳлайди" - деди Трамп.

АҚШ президенти, шунингдек, Хитой раҳбари "бунга эришиш учун биз билан ҳамкорлик қилади" деган фикрни билдирди.

Аввалроқ Трамп Хитой раҳбари билан телефон орқали мулоқот чоғида Украинадаги вазиятни муҳокама қилганини айтганди.