Трамп Си Цзиньпин билан янги алоқалар ўрнатмоқчи

AҚШ президенти Дональд Трамп Хитой етакчиси Си Цзиньпин билан янги алоқалар ўрнатилишини эълон қилди. Бироқ улар қачон бўлиши мумкинлигини айтмади.

– Си Цзиньпин билан учрашувлар ва телефон қўнғироқлари ўтказамиз, -деди Трамп журналистларга.

Aввалроқ “The Wall Street Journal” нашри манбаларга таяниб, Трамп президентлик фаолиятининг дастлабки 100 кунида Хитойга ташриф буюриши мумкинлигини хабар қилганди.

Ўзининг биринчи президентлик муддати доирасида Трамп 2017 йилда Хитойга ташриф буюрган эди.

Ўтган жума куни Трамп ва Си Цзиньпин телефон орқали мулоқот қилиб, унда тинчлик ва хавфсизликка эришиш, шунингдек, савдо муносабатларини муҳокама қилишди.