Трамп агар якуний қарорларни қабул қилиш ҳуқуқини ўзида сақлаб қолса, Россияга қарши санкцялар тўғрисидаги қонун лойиҳасини имзолашга тайёр — Reuters.
Агентлик бу ҳақда Оқ уйдаги манбасига таяниб хабар бермоқда.
"Оқ уй ва президент учун санкциялар пакетига Трампнинг улар бўйича якуний қарор қабул қилиш ваколатини кафолатловчи қоида киритилиши ҳар доим муҳим бўлиб келган. Шунинг учун, агар бундай қоида киритилса, менимча, президент санкциялар тўғрисидаги қонун лойиҳасини имзолашни кўриб чиқади", — деди Оқ уй вакили.
Reuters манбаси, шунингдек, Трамп маъмурияти Украинадаги урушни тугатиш учун Россия билан музокараларни давом эттираётганини қўшимча қилди.
Республикачи сенатор Линдси Грэм ва демократ сенатор Ричард Блюментал томонидан ишлаб чиқилган Россияга қарши санкциялар тўғрисидаги қонун лойиҳаси 2025 йил баҳорида тақдим этилган. Унда Россия нефти ва газини сотиб олувчи мамлакатлардан импортга 500 фоизлик божлар қўлланилиши кўзда тутилган.
2026 йилда ойлик, стипендия, пенсия ва нафақалар оширилади
Гулистон шаҳридаги овқатланиш шохобчасида портлаш рўй берди (видео)
Эронда 61 млн тонналик олтин захираси топилди
