АҚШ президенти Дональд Трамп Вашингтон Россия ва Хитой билан дунёда энг кўп ядровий қурол захираларига эга давлатларни қуролсизлантиришга қаратилган музокаралар олиб бораётганини маълум қилди.
Стокгольм халқаро тинчлик тадқиқотлари институти (SIPRI) маълумотларига кўра, ядровий каллаклар сони бўйича Россия биринчи ўринда туради. Кейинги ўринларда АҚШ ва Хитой келади. Бироқ жойлаштирилган ядровий каллаклар сони бўйича АҚШ Россиядан олдинда.
Трамп Newsmax телеканалига берган интервьюсида Хитой келгуси беш йил ичида ядровий салоҳият бўйича АҚШга «етиб олиши» мумкинлигини айтди.
«Бутун бу вазият жуда ачинарли, чунки имкони бўлса, мен ядровий қуролсизланишни амалга оширишдан мамнун бўлардим. Ҳозир эса бу масалани Россия билан ҳақиқатан ҳам муҳокама қиляпмиз, Хитой билан ҳам ядровий қуролсизланиш ҳақида гаплашяпмиз», — деди Трамп.
Newsmax хабар беришича, Трамп бу масалани Хитой раҳбари Си Цзиньпин билан ҳам муҳокама қилган.
Америка президентининг мазкур баёнотлари жорий йил бошида Стратегик ҳужум қуролларини қисқартириш тўғрисидаги шартнома амал қилиш муддати тугаганидан бир неча ой ўтиб янгради.
SIPRI маълумотларига кўра, Россия сақланаётган ядровий каллаклар сони бўйича ҳам етакчилик қилади. Ундан кейин АҚШ ва Хитой туради. Жойлаштирилган ядровий каллаклар сони бўйича эса АҚШ Россиядан кўпроқ қуролга эга.
АҚШ Россия нефтни қайта ишлаш заводларига қилинган зарбалар туфайли Украинага қурол етказиб беришни тўхтатиш билан таҳдид қилмоқда
Роналдунинг севгилиси Мессининг оиласига учта сўз билан мурожаат қилди
Ўзбекистонда уч қиздан кейин оила тўрт нафар ўғил фарзанд кутаётгани маълум бўлди
