Трамп: "Россия ва Украина ўртасида тинчлик ўрнатилгунга қадар ўт очишни тўхтатиш муҳим"

АҚШ президенти Дональд Трамп Россия Федерацияси ва Украина етакчилари Владимир Путин ва Владимир Зеленский можарони ҳал қилиш учун умумий тил топа олишига умид билдирди.

Трамп бу ҳақда Оқ уйнинг Шарқий хонасида Зеленский ва ЕИ етакчилари билан гуруҳ учрашувида айтиб ўтган.

Трампнинг айтишича, учрашувдан мақсад "Россия ва Украина ўртасидаги можарони уйқуга қўйиш"га уринишдир.

Аввалроқ у Зеленский билан Овал кабинетда бўлиб ўтган учрашувда Россия ва Украина ўртасида тинчлик битими тузилгунга қадар ўт очишни тўхтатиш "керак эмаслигини" айтганди. Европа Иттифоқи етакчилари ва Зеленский билан бир соатлик ёпиқ учрашувдан сўнг, Трамп журналистларга "барчамиз узоқ муддатли тинчлик ўрнатиш учун ҳаракат қилаётганимизда зудлик билан ўт очишни тўхтатишни афзал кўришимиз аниқ", деди.