Трамп Путинни Ғазодаги “тинчлик кенгаши”га қўшилишга таклиф қилди

АҚШ президенти Дональд Трамп Россия президенти Владимир Путинни Ғазода бошқарув ва тикланиш жараёнларини назорат қилиш ҳамда глобал можароларни ҳал этишни мақсад қилган “тинчлик кенгаши”га қўшилишга таклиф қилди.

Кремль матбуот котиби Дмитрий Песковнинг айтишича, Москва Вашингтондан келган таклифнинг “барча нюансларини аниқлаш” устида иш олиб бормоқда. Путиннинг таклифга рози ёки йўқлиги ҳозирча маълум эмас.

Таклиф Россиянинг Украинага қарши уруши тўртинчи йилга яқинлашиб, тинчлик келишуви бўйича ноаниқлик сақланаётган бир пайтда янгради. Хабарларга кўра, Беларусь президенти Александр Лукашенко ҳам ушбу кенгашга қўшилиш учун таклиф олган.

Оқ уй маълумотларига кўра, “тинчлик кенгаши”га Трампнинг ўзи раислик қилади ва унга турли давлатлар раҳбарлари ҳамда нуфузли шахслар жалб этилмоқда.