Пекин Қўшма Штатларни Гренландияга нисбатан ўз ҳаракатларини оқлаш учун "Хитой таҳдиди"дан фойдаланишни тўхтатишга чақирмоқда. Бу ҳақда Хитой Ташқи ишлар вазирлиги расмий вакили Го Сзякун маълум қилди, дея хабар беради РИА Новости.
"Биз АҚШни ўз манфаатларини кўзлаш учун "Хитой таҳдиди"ни баҳона қилишни бас қилишга чақирамиз," - деди дипломат орол атрофидаги вазиятни изоҳлар экан.
Аввалроқ АҚШ президенти Доналд Трамп НАТО ва Данияга мурожаат қилиб, Гренландиядан гўёки оролга нисбатан ҳарбий амбитсияларга эга бўлган Россия ва Хитойни "олиб ташлашни" талаб қилганди. Унинг таъкидлашича, ҳудудни "иккита ит қўшилган арава билан ҳимоя қилиб бўлмайди."
Кўп ўтмай Трамп Гренландия атрофидаги вазият туфайли Европанинг бир қатор давлатларига қарши божлар жорий этилишини эълон қилди. Унинг сўзларига кўра, савдо тарифлари оролни "тўлиқ ва якуний сотиб олиш" бўйича келишувга эришилгунга қадар амал қилади.
Ҳатто ЙТҲдан кейин ҳам Адам Қодиров медал олиб келмоқда
Гренландия ташқи ишлар вазири йиғлаб юборди
Эрон Starlinkни блоклашга муваффақ бўлди
