АҚШ президенти Доналд Трамп Украинадаги можаронинг икки томонининг баёнотларидан норозилигини билдирди. Бу ҳақда Оқ уй матбуот котиби Керолайн Ливитт хабар қилди.
"АҚШ президенти Россия ва Украина ўртасида тинчлик келишувига эришиш учун фаол иш олиб бормоқда. У можаро томонлари раҳбарларининг баёнотларидан норозилигини билдирди, чунки уларнинг сўзлари вазиятни ҳал этишга ёрдам бермайди деб ҳисобламоқда. У бу йўналишда ўз саъй-ҳаракатларини давом эттирмоқда ва бизнинг жамоаларимиз тегишли алоқаларни сақлаб қолмоқда," - дея таъкидлади Ливитт.
Аввалроқ Трамп NBC телеканалига, агар Москва тинчлик битимига рози бўлмаса, Россия нефтига қарши иккиламчи санкциялар жорий этишини маълум қилган эди. Телеканал хабарига кўра, АҚШ раҳбари, шунингдек, Россия президенти Владимир Путиннинг Владимир Зеленский ва Киев ҳукуматига нисбатан билдирган фикрларидан норозилигини ифода этиб, бундай баёнотлар "тўғри йўналишга олиб бормаётганини" таъкидлаган.
Бундан ташқари, Трамп Оқ уй матбуот ходимларига Зеленский "фойдали қазилмалар бўйича келишув шартларини қайта кўриб чиқишга уринаётгани" ҳақида айтган. "Агар у шундай йўл тутса, жиддий муаммоларга дуч келиши мумкин," - дея қўшимча қилди АҚШ президенти.
Қувайт энди Эронга ошкора ваъда берди
Эронга хавф яқинми? АҚШ 5 та Б-2 Спирит стратегик бомбардимончилари ҳамда КC-130 ҳавода ёқилғи қуйиш самолётларини олиб келди
Россиянинг уруш машинаси тезлашмоқда
