Трамп Пентагонни “Уруш вазирлиги” деб номлашни истамоқда

АҚШ президенти Дональд Трамп маъмурияти Пентагон — АҚШ Мудофаа вазирлигини “Уруш вазирлиги” деб қайта номлаш имкониятларини ўрганмоқда. Бу ҳақда The Wall Street Journal ўз манбаларига таяниб хабар берди.

Маълумотларга кўра, Трампнинг иккинчи президентлик муддатининг дастлабки кунлариданоқ Пентагон қонунчилик таклифлари устида иш бошлаган. Ушбу таклифлар вазирликнинг номини ва унинг раҳбарининг лавозимини ўзгартиришга имкон бериши мумкин. Ҳозирча Оқ уй Конгресс розилигисиз буни амалга ошириш йўлларини излаяпти.

АҚШда “Уруш вазирлиги” 1789 йилдан 1947 йилгача мавжуд бўлган. Кейин у Миллий ҳарбий идорага айлантирилган, 1949 йилда эса ҳозирги номи — Мудофаа вазирлиги (Department of Defense) қабул қилинган.

Бу ҳафта бошида Трамп маълум қилганидек, унга вазирликнинг “ески номи” кўпроқ маъқул. Унинг фикрича, “Уруш вазирлиги” атамаси фаол ва ҳужумкор позицияни ифодалайди, ҳозирги “мудофаа” сўзи эса фақат ҳимояга ишора қилади.

👉 Шунингдек, июнь ойида Трамп Ближний Шарқдаги вазиятни ҳисобга олган ҳолда, Пентагон раҳбарининг лавозимини “Уруш вазири” деб номлашни ҳам кўриб чиқиш мумкинлигини айтган эди.