Трамп Нью-Йоркнинг янги мэри этиб сайланган Зоҳран Мамдани билан учрашмоқчи

Бу ҳақда АҚШ президенти ўзининг Truth Social саҳифасида маълум қилди.

"Нью-Йорк шаҳрининг коммунист мэри Мамдани учрашишни сўради. Биз ушбу учрашув 21 ноябр куни Овал кабинетда бўлиб ўтишига келишиб олдик. Батафсил маълумот кейинроқ эълон қилинади", — дея ёзди Трамп.

Доналд Трамп очиқчасига Зоҳран Мамданини танқид қилиб келади. У ҳатто Мамдани ғалаба қозонган тақдирда Нью-Йоркка қўшимча федерал маблағ ажратмаслигини айтган. Шунингдек, президент уни "коммунист ва ақлдан озган", деб атаган.