Трамп НАТО давлатларини мудофаа харажатларини ЯИМнинг 5 фоизигача оширишга чақирди. Бу ҳақиқатми?

Альянс маълумотларига кўра, ҳозирда унинг аъзоларидан ҳеч бири ялпи ички маҳсулотнинг 5 фоизини мудофаага сарфламайди. Энг кўп пул сарфлаган Польша - 4,12%, Эстония (3,43%) ва АҚШ (3,38%). Италия 2024 йилда мудофаага ялпи ички маҳсулотнинг атиги 1,49 фоизини, Франция - 2,06 фоизини, Германия - 2,12 фоизини, Буюк Британия - 2,33 фоизини ажратди.

Дональд Трамп яқинда НАТО давлатлари ялпи ички маҳсулотнинг 5 фоизини мудофаага ажратиши кераклигини айтди. Германия мудофаа вазири Борис Писторус бу кўрсаткични жуда юқори деб атади. Таҳлилчиларнинг DW нашрига айтишича, ҳозирги иқтисодий шароитда бу ҳатто нисбатан бой НАТО давлатлари учун ҳам мумкин эмас.

🔹Хорижий алоқалар бўйича Европа кенгаши илмий ходими Рафаэл Лосьс Трампнинг мақсади 5% талаб қилиш, лекин 3,5%га рози бўлиш, деб ҳисоблайди. “Мудофаа харажатларини ялпи ички маҳсулотнинг 3,5 фоизигача ошириш европаликлар учун реалроқ туюлиши мумкин.

🔹АҚШнинг Герман Маршалл Жамғармасининг Брюссел бўлими раҳбари Ян Лессер Трампнинг талабини "дебют гамбити" деб атайди, шунингдек, у камроққа рози бўлиши мумкин, деб ҳисоблайди. "Аммо 3% ёки 3,5% ҳам кўп НАТО аъзолари учун жуда кўп бўлади", деди Лессер.