АҚШ президенти Дональд Трамп душанба куни инвестиция шартномасини имзолаш учун май ойи ўрталарида Саудия Арабистонига ташриф буюришни режалаштираётганини айтди. Ташриф давомида АҚШ иқтисодиётига 1 триллион долларлик сармоявий битим имзоланиши кутилмоқда.
Бу унинг иккинчи муддатдаги илк хорижий сафари бўлади. Шунингдек АҚШ Қатар ва Бирлашган Араб Амирликларига ҳам ташриф буюриш режалаштирилган.
"Бу келаси ой, балки бироз кейинроқ содир бўлиши мумкин", – деди Трамп Овал кабинетда журналистларга.
Саудия Арабистони АҚШ ташқи сиёсатида тобора муҳим рол ўйнаб, можарода ўт очишни тўхтатишга эришиш учун АҚШ, Россия ва Украина ўртасидаги музокараларда воситачи сифатида ҳаракат қилмоқда.
Ташриф Ар-Риёднинг АҚШ иқтисодиётига 1 триллион доллардан ортиқ сармоя киритиши, жумладан, ҳарбий техника сотиб олиши бўйича келишув тузишга қаратилган. Трамп шу каби келишувлар Қатар ва БААда ҳам имзоланишини таклиф қилди.
Чўнтакка зарба: Гўшт нархи “учиб кетди” – Ўзбекистонда март ойида 9,1% ошди!
Қувайт энди Эронга ошкора ваъда берди
ТЕЗКОР АХБОРОТ: Ўзбекистоннинг баъзи ҳудудларини сув босиши мумкин
