Трамп маслаҳатчиларини Илон Маскнинг истеъфоси ҳақида хабардор қилди

Бу ҳақда Politico нашри хабар бермоқда.

"Миллиардер Илон Маск яқин ҳафталарда ўз вазифаларини бажаришни тўхтатади. АҚШ президенти Доналд Трамп кеча бу ҳақда яқин атрофига маълум қилган", деб ёзади Politico манбаларга таяниб.

Трамп Оқ уйга қайтгач, Маск Ҳукумат бошқаруви самарадорлиги департаменти (DOGE) раҳбарлигига тайинланган эди. Сўнгги вақтларда бу идора фаолияти бир неча бор танқидга учраган. Бироқ АҚШ президенти ўз сафдоши фаолиятидан мамнун эканини таъкидлаган.