Трамп Лотин Америкасидаги гиёҳванд картелларига қарши қуруқликдаги зарбалари бошланганини эълон қилди

АҚШ президенти Дональд Трамп Америка армияси Лотин Америкаси наркотик картелларига қарши қуруқликдан зарба беришни бошлашини маълум қилди.

Трамп бу ҳақда Оқ уйдаги чиқиши чоғида айтиб ўтган.

Трампнинг сўзларига кўра, денгиз йўллари орқали АҚШга наркотик моддалар контрабандаси 94 фоизга камайди.

"Биз уларга қуруқликдан зарба беришни бошлаймиз, бу, очиғини айтганда, анча осон. Лекин улар Америка Қўшма Штатларига тўғридан-тўғри ҳарбий хавф туғдирмоқда. Улар бизнинг мамлакатимизни гиёҳванд моддалар билан тўлдиришга ҳаракат қилмоқда", - дея таъкидлади Америка раҳбари.