Трамп Криштиану Роналдуга мурожаат қилди

Америка Қўшма Штатлари президенти Дональд Трамп ижтимоий тармоқлар орқали португалиялик юлдуз ҳужумчи Криштиану Роналдуга мурожаат қилди.

"Роналду, сен тарихдаги энг буюк футболчисан. Сен бизга АҚШда кераксан. Ҳозироқ йўлга чиқ. Сен бизга бу ерда зудлик билан кераксан", - деди АҚШ президенти.

41 ёшли ҳужумчи Саудия Арабистони чемпионатида "Ан-Наср" сафида тўп тепмоқда. Криштиану ва Саудия клуби ўртасидаги амалдаги меҳнат шартномаси муддати 2027 йилнинг июнь ойи охирида тугайди. Португалияликнинг трансфер нархи 12 миллион еврога баҳоланмоқда.