Трамп Кир Стармерни танқид қилди – Sky News

Доналд Трамп Буюк Британия бош вазири Кир Стармернинг сиёсати мамлакатни боши берк кўчага киритаётганини таъкидлади. Хитойга учиб кетиш олдидан Оқ уйда журналистларга интервью берган Трамп бош вазирга Шимолий денгизда нефт қазиб олишни очишни ва миграция назоратини кучайтиришни маслаҳат берди.

Унинг фикрича, Британия дунёдаги энг йирик нефт конларидан бирига эга, аммо ундан фойдаланмаяпти ва "шамол тегирмонлари" сабабли ўз иқтисодиётини вайрон қилмоқда.

Трамп, шунингдек, бутун Европа каби Британия ҳам миграциядан қаттиқ жабр кўраётганини қўшимча қилди. Бош вазирнинг истеъфоси ҳақидаги саволга жавобан Трамп бу қарор Стармернинг ўзига боғлиқлигини, бироқ уни энергетика масаласидаги хатолари хонавайрон қилиши ҳақида аввалдан огоҳлантирганини айтди.