Трамп: "Жорий қилган тарифлар АҚШга 88 миллиард доллар даромад келтирди"

АҚШ маъмурияти томонидан жорий қилинган савдо божлари Америка иқтисодиётига қарийб 88 миллиард доллар миқдорида даромад келтирди.

Бу ҳақда Америка етакчиси Дональд Трамп 26 июнь куни Оқ уйда бюджет ва солиқ соҳасидаги режаларига бағишланган тадбирда сўзлаган нутқида айтиб ўтди.

Вашингтон маъмурияти раҳбари таъкидлаганидек, Конгресс экспертлари унга Қўшма Штатлар "режалаштирилганидан кўра кўпроқ маблағ" олаётганини айтишди. Америка раҳбари тушунтирганидек, ушбу маълумотларга кўра, Қўшма Штатлар "божлардан 88 миллиард доллар олган". Трамп бу ҳисоб-китоблар бўйича ҳеч қандай маълумот бермади.

Оқ уйдаги Миллий иқтисодий кенгаш раҳбари Кевин Хассетт май ойи охирида Қўшма Штатлар "божлар жорий этилганидан бери 50-60 миллиард долларлик тариф даромадлари олганини" айтди.

2 апрель куни Трамп 185 мамлакат ва ҳудуд маҳсулотларига божхона тўловлари жорий этилишини эълон қилди. Россия бу рўйхатга киритилмаган. 10 фоизлик универсал тарифлар 5 апрелдан, индивидуал тарифлар 9 апрелдан кучга кирди. Шу куни АҚШ президенти баъзи жавоб божлари 90 кунга тўхтатилишини эълон қилди, бу Оқ уйнинг тушунтиришича, савдо маслаҳатлашувлари билан боғлиқ. Ушбу даврда 10% универсал тариф амал қилади.