The New York Times хабар беришича, 10 фоизлик ягона тариф илгари энг юқори бож тўловларига дуч келган мамлакатлар учун энг манфаатли бўлиб чиқмоқда. Бироқ бу ҳолат импорт ҳажмининг яна ошишига олиб келадими-йўқми, ҳозирча аниқ эмас.
Айрим йирик экспортёр давлатлар учун бу ўзгариш айниқса манфаатли бўлди, чунки улар илгари анча юқори тариф ставкаларига дуч келар эди. Гап, аввало, Осиё мамлакатлари — Хитой, Бангладеш, Вьетнам ва Индонезия, шунингдек Бразилия ҳақида бормоқда.
Канада ва Мексика ҳам анча паст номинал тариф ставкаларига тушди. Бироқ амалда улар экспортининг катта қисми Шимолий Америка савдо келишуви туфайли аллақачон бож тўловларидан озод қилинган.
Энг катта йўқотишни эса илгари энг паст тарифларга эга бўлган мамлакатлар кўрди. Улар қаторига АҚШнинг яқин иттифоқчилари — Буюк Британия ва Австралия ҳам киради. Натижада уларнинг бошқа экспортчиларга нисбатан аввал мавжуд бўлган рақобат устунлиги амалда йўқолди.
Айрим товарлар учун эса вазият янада ёмонлашди. Масалан, Япония ва Европа Иттифоқи давлатларидан келадиган люкс кийим-кечаклар илгари божсиз импорт қилинган бўлса, эндиликда улар ҳам 10 фоизлик тарифга тушмоқда.
Компаниялар, айниқса, кийим-кечак соҳасида захираларни фаол равишда кўпайтириши мумкин. Чунки янги жорий этилган 10 фоизлик тарифнинг 150 кунлик амал қилиш даври қиш мавсуми учун товарлар фаол етказиб бериладиган давр бошланишига тўғри келмоқда.
Шу билан бирга, ўтган йили осиё товарларига тарифлар оширилганига қарамай, кўплаб америкалик компаниялар ҳали ҳам бутловчи қисмлар ва тайёр маҳсулотларни хориждан сотиб олишда давом этмоқда. Сабаби улар альтернатив етказиб берувчиларни топа олмаяпти.
Галибаф: “Эроннинг жавоби шунчалик даҳшатли бўладики, улар ёлвориб узр сўрашади”
Эрон олий раҳбари телевидение орқали мурожаат қилади
Бухорода 21 ёшли йигит Телеграмда онлайн фоҳишахона ташкил қилди
