Трамп Исроил президентига Нетаняҳуга қарши коррупция бўйича ишни тўхтатишни сўраб мактуб йўллади

Трамп Исроил президентига Нетаняҳуга қарши коррупция бўйича ишни тўхтатишни сўраб мактуб йўллади — The Times of Israel.

"АҚШ президенти Доналд Трамп Исроил президенти Ицҳак Герцогга мамлакат бош вазири Бинямин Нетаняҳуни афв этишни сўраб расмий мактуб юборди. Нетаняҳуга нисбатан ҳозирда коррупция иши бўйича тергов олиб борилмоқда", деб хабар берди газета.

Трамп ўз мактубида Нетаняҳуни "уруш давридаги бош вазир, ҳозир эса Исроилни тинчлик сари етаклаётган шахс" деб атаган. Шу билан бирга, АҚШ президенти "Исроил суд тизимининг мустақиллигини ҳурмат қилишини" таъкидлади, бироқ Нетаняҳуга қўйилган коррупция бўйича айбловларни "сиёсий" деб атади ва буни қоралади.

"Бинямин Нетаняҳуга фирибгарлик, ишончни суиистеъмол қилиш ва пора олиш айбловлари 2019 йилдаёқ қўйилган эди. 2024 йил декабр бошида суд “Нетаняҳу гувоҳлик бериши керак”, деган қарорга келди. У Исроил тарихида амалдаги бош вазир лавозимида жиноий иш бўйича судда айбланувчи сифатида қатнашган биринчи шахсга айланди. Нетаняҳу эса ўзига қарши илгари сурилаётган барча айбловларни рад этмоқда", дея ёзмоқда The Times of Israel.