Трамп Гренландияга қўшин юбориши мумкинлигини маълум қилди

Трамп маълум шароитларда Гренландияга қўшин юбориши мумкин.

АҚШ президенти Доналд Трамп NBC News телеканалига берган интервьюсида маълум шароитларда Гренландияни эгаллаш учун Америка қўшинларини юбориши мумкинлигини айтди.

"Бу содир бўлиши мумкин. Содир бўлишига шубҳа қиламан, лекин албатта бўлиши мумкин," - дея жавоб берди у тегишли саволга.

Давлат раҳбари яна бир бор таъкидладики, АҚШ Гренландияга "жуда муҳтож", чунки у халқаро хавфсизликни таъминлаш учун зарур.

Доналд Трамп президентлик лавозимига киришидан олдин ҳам бу орол Қўшма Штатлар таркибига кириши кераклигини бир неча бор таъкидлаган эди. Унинг айтишича, бу ҳудудлар миллий хавфсизлик ва "эркин дунё"ни, жумладан, Хитой ва Россиядан ҳимоя қилиш учун стратегик аҳамиятга эга. Оқ уй раҳбари орол устидан назорат ўрнатиш учун ҳарбий куч ишлатмасликка ваъда беришдан бош тортди.